Goygoygoy

So eru vit her aftur :o) Vit eru bara á hospitalinum, so tað ber ikki so væl til at leggja inn á bloggin. Men babba hevur fingið eina reprimandu frá fastur fyri ikki at gera okkurt við tað, so nú muga vit heldur gera tað fyri hann..


Tað var soo kalt at koma út og so stóð onkur merkiligur maður við køldum fingrum og hálaði í beinini á okkum.. Men so tók ein fitt kona og ballaði okkum í okkurt heitt.


Hendan konan forkláraði babba okkurt sum hon gjørdi, men hann stóð bara og gapaði.. (haldi ikki at hann hoyrdi nakað sum hon segði)


Tað var soo gott at síggja mammu og hon mussaði okkum :o)


Her er okkara fyrsta song, har var altso ordiliga heitt og vit sveittaðu illa.


Og her liggji eg hjá mammu, her var eg ordiliga lítil, bara ein hálvan dag ;o)


Og her liggja vit saman í tí heitu songini.. Og so høvdu tey eisini balla okkum, sum um tað ikki var heitt nokk. ;)